Aktuell hend mer Winterpause - oder Denkpause? siehe unten ;-)
Garte zum Sälberernte
Eis vo dene Härzensprojekt, woni sälber nid so gnau weiss, wo's hifüehrt...
Hättisch du gern dine Salat und dis Gmües erntefrisch vom Feld?
Aber du hesch keis Ziit oder kei Platz zum sälber Pflanze?
Keis Problem! Chum zu mer of's Feld und ernt dis Gmües oder din Salat sälber ond gniess en früsch!
No früscher goht nümme ;-)
Wie's funktioniert
Bim "alte" Erdbeerifeld (Standort) heds chli Salat ond Gmües - met vöu Liebi vo Hand gsetzt.
Du gosch eifach verbii, wenns der passt, ond erntisch, of was du Luscht hesch. Im Gägesatz zum Erdbeerifeld geds do kei Öffnigsziite.
Was aktuell in Ernti isch stohd of de Tafele, ond ou de Priis. Natürlich fensch die Info's ou hier. Ebefalls findsch of dere Tafele am Feldrand de QR-Code zum mir de Betrag Twinte.
Du hesch kei Twint? Denn darfsch du mer de Betrag gern überwiise of's
Konto CH43 0077 8201 6369 2200 3. Oder du chonnsch bi mer verbii ond zahlsch es Bar.
Aktuell im Agebot
D'Saison isch verbii! Danke allne wo cho sind.
Ich weiss grad ned, ob ond i wellem Format ich das Projekt wött wiiterfüehre. Finsch es bsunders cool? Möchtisch es breiters Sortiment? Wörsch di eventuell fürnes Gmüesabo zum Sälberernte interessiere? Möchtisch so was nöchst Johr weder ha? Oder möchtisch mer söst was mitteile?
Denn mäld di doch bitte of sandmatt.wauwil@gmail.com oder under null siebe nün, sächs sächs zwöi, vier zwöi, acht drüü.
Merci!
Antonia
